Gospelchor Flawil - Swiss Gospel Power

Ich wünsche allne en schöne Silvester und en guete Rutsch is neue Jahr! Schön, dass ich das wieder mol dörf erläbe nachdem ichs letst Johr verhängt ha - ich freu mi au sehr uf snächste Johr mit eu allne!

Liebs Grüessli
Michael

Salutti Zämä

zum Glück gohts minere Stimm wider besser, so dasi im neue Johr wider voll debii bi!=) Froi mi etz scho uf alli Konzert und Probe und was au susch no alles uf üs zue chunnt!=)

i wünsch eu en mega guete Start is Johr 2006!

Usserdem wünschi de Chranke gueti Besserig, dene i de Flumserberg viil Spass und dene wo no schaffet nümä z streng!

Liäbs Grüässli Jacqueline

hallo ihr glatte!

i wär jo wahnsinnig gern am schaffe und natürli no lieber i dä flumserberg am snowboarde, aber nei, i hocke sit em dsiestig mitere angina dihai im bett. tolli ferie sägi däm! wär vo eui hät mi dänn agsteckt? wart nur...

i wünsch eui allne en super start is neuie johr und dass s 2006 für eui alli nur s best parat hät! i freui mi riesig uf vieli gmeinsami stunde und en hufe cooli erlebnis bim singe!

alles liebi, daniela

haha ich bin halt nöd am schäffelä imä büro....nai nia ich fahrä ski.....und hey finds au läss das mir do a dem gospelcontest mitmached obwohl i nöd mol würkli mitübercho han das mir üs döt beworbä händ jä nu......also allnä woni nüm gseh wünschi än super rutsch ohni beibruch und so....ah jo dä gospelchurch hani imfall au u lässig gfundä.....
jo das wärs......adios und bis irgendwänn grüässli katja

Ich tuä jetzt dPatricia nochli vo de Bürofraktion her unterstütze..

Mir arbeitende flissige K-Fraue sind dZuäkunft

I muä nuno einehalb Täg und denn isch laaaangs Wuchenend, juhui!

Und i freu mi au, dass mir am Swiss Gospel Contest däbi sind

guguseli mitänand.

wär isch au so äs arms und muä vor äm pc sitzä und schaffä? zum glück isch scho bald donschtig mittag, da heisst no einähalb täg im altä johr! und dänn no äs mönätli und scho törf i mini drü mönät feriä gnüssä! für s'final am swiss gospel contest wünsch i eu natüterli jetzt scho viil erfolg, i druck eu ganz fescht dä duumä wänn i z'sydney am strand liggä! wär aso scho au gärn däbi!

so, dänn wünsch i dänä wo müänd schaffä nöd zsträng, dänä wo chrank sind guäti besserig und dänä wo feriä händ ganz schös wätter und nümä allzu chalt

bis gli!!
patricia

Tja, also ich fänds au schad, wenns üs nüm gäbt *hüstel* nei Claudia hät natürli scho recht... es goht mir ähnlich wie ihre und au nume so ischs möglich Isatz zgeh döt wome dra isch... öpper singt guet Solo, öpper ander cha guet Flöte spiele, öpper ander luegt am Compi dass alls lauft, usw. - so ergänzt me sich tiptop!

Hälo tugäsär!

Zerst emol: Michi, diä Homepage isch dä Hammer! Dankä vilmol, dass du laufend am updatä bisch. Isch echt u lässig, scho am nögstä Tag chönä Bilder vom Gospelchurch aluägä, etc.
Mini liäbä Chorkollegä: Mer sind im Final!!! Yeah! Kuhl! Jippi!
Äs isch eifach u lässig mit eu und i hoff, mer mached no ganz lang witer mitenand. Wär schad, wenns üs nüme gäbt...
I wünsch eu alnä än guätä Rutsch is neue Johr! Bliibed gsund und munter!
Liäbs Grüässli, Claudia